終於搵到泉水姐姐嘅寫真

首先要不吐不快，因為係第一次用嘅關係，所以唔知道需要幾多時間先收到，而且唔知件貨有冇問題，會唔會係呃人。 事緣3本寫真係向3個賣家購買，2個好快已經出貨，但第3個要等到第6日先出貨，而且最初一買完再按入件貨睇，佢唔係顯示已售出，而且過多幾日個價仲標高咗。唔清楚佢手頭上係咪有多幾件貨，總之一日未出貨個心都未定。後來因為有購買入庫時拍照服務，所以當睇到真係想要嘅嘢先終於放心哂。 不過今次用Doorzo係比我平時上網買嘢所需時間耐d，差不多3個星期先收到，每一個步驟都要等幾日，呢個真係要適應。 講返正題，近兩年先開始中意坂井泉水姐姐，雖然佢已離去多年，但一直都想買返佢d產品留念。之前去日本旅行雖然搵到唔少CD，但佢d書，寫真，就點都搵唔到，結果終於喺Doorzo搵到。 因為我唔係趕住買嘢返嚟用，所以耐d先收到貨唔係大問題，最重要係泉水姐姐嘅產品保存得好唔好，價錢是否合理。 今次真係好滿意，3本寫真都保存得好好，尤其佢未成名嗰一本距離而家成足足35年，仲要係初版。而另外2本已經係18，19年前。 佢哋包裝得好好，好到有d過份，每本都包咗2，3層，而個大盒就成個都包哂膠紙。